VIDEO: 'ઉરી'ના મેકર્સ ફરી ધમાલ મચાવવા તૈયાર, મસ્ત છે મર્દ કો દર્દ નહીં હોતાનું ટ્રેલર

મુંબઈ : ફિલ્મ સર્જક રોની સ્ક્રૂવાલાની આગામી ફિલ્મ મર્દ કો દર્દ નહીં હોતા માર્ચ મહિનાની 21મીએ રિલીઝ થવાની છે. હાલમાં આ ફિલ્મનું ટ્રેલર લોન્ચ કરવામાં આવ્યું છે. આ ફિલ્મનો પ્રીમિયર શો ટોરોન્ટો ઇન્ટરનેશનલ ફિલ્મ્સ ફેસ્ટિવલમાં યોજાયો હતો અને એને પિપલ્સ ચોઇસ એવોર્ડ મિડનાઇટ મેડનેસ પ્રાપ્ત થયો હતો. ઉપરાંત મામી ફિલ્મ્સ ફેસ્ટિવલમાં પણ આ ફિલ્મ રજૂ થઇ હતી જેને સરસ પ્રતિસાદ મળ્યો હતો.

ઘણા સમયથી ફિલ્મ ઇન્ડસ્ટ્રીમાં ઘણા સ્ટારકિડ્સ બોલિવૂડમાં ડેબ્યુ કરી રહ્યા છે. આ ફિલ્મથી હવે સલમાન ખાન સાથે મેંને પ્યાર કિયામાં કામ કરી ચૂકેલ અભિનેત્રી ભાગ્યશ્રીનો પુત્ર અભિમન્યુ ફિલ્મમાં ડેબ્યુ કરવા જય રહ્યો છે. આ ફિલ્મમાં અભિમન્યુ સાથે અભિનેત્રી રાધિકા મદાન જોવા મળશે. આ પહેલા રાધિકા વિશાલ ભારદ્વાજની ફિલ્મ પટાખામાં નજરે પડી હતી.

'ધ મેન હુ ફીલ્સ નો પેઇન' અંગ્રેજી ટાઇટલ ધરાવતી આ ફિલ્મ 70 અને 80 ના દશકામાં માર્શલ આર્ટ પર  આધારિત એક્શન કોમેડીથી ભરપૂર છે. રાઇટર-ડિરેક્ટર વાસન બાલાની ફિલ્મ ‘મર્દ કો દર્દ નહીં હોતા' ટોરન્ટો ઇન્ટરનેશનલ ફિલ્મ ફેસ્ટિવલના મિડનાઇટ મેડનેસ સેક્શનમાં રજૂ થનારી પહેલી ઇન્ડિયન ફિલ્મ છે.